Mundart in der Gegend von
Salzburg, Ischl und Hallstatt.
Rais* o du Schworzaugeter,
Loß mi mit Rueh,
Bin eh nöt dei Dirndl
Und du nöt mei Bua!
* Gehe.
Geh du Schworzaugeti,
Gel füer di tauget i,
Gel füer di war i recht,
Wonn i di mecht?
D' Fischerln in'n See
Schwimmant hi, schwimmant he,
Schwimment auf und nieda;
Bua, wonn kimmst denn wieda?
Dirndl, geh her zan Zaun,
Und loß di recht onschaun,
Wie deini Äugerln san,
Schworz oda braun?
San meini Äugerl
Schworz oda nöt,
Dös woaß i gwis,
Für di taugns nöt.
Mei Dirndl hoaßt Reserl,
Is reserlat* gmolen;
Hon d'Kaiserin gsegn,
Hod ma nöt so guet gfolln.
*rosig
Koan Haus und koan Geld,
Und koan Wies' und koan Feld,
Und koan solchana Bua
Soll nöt sein af da Welt.
An ehrlögs Geblüet
Und an aufrichtögs G'müeth,
Und a Herzerl, a treu's,
Dos is d' Solzburga Weis!
Zrissn is's Gwandl
Voll Löcha hand d' Schue,
Oba Schotzerl krieg i döstwögn
No allöweil gnue.
Liebs Schotzerl, moch auf,
Do herrausten* is's kolt,
Ba dir in da Komma*
Wa's hoamlöga* holt.
*hier außen * Kammer * heimlicher
's Dirndl is hondsom,
Zan Tonzen schen longsom,
Zan Afmocha gschwind,
Wonn da rechtö Bua kimmt.
A Schronkbam* für d’ G'danka
Is an Ummögligkeit,
Und dos hot mi als a Kloana
Schon unbändög gfreut.
*Schlagbaum.
A Lieb dö recht stork is,
Dö plodert* nöt gern,
Wie's d' a Wossa, dos tief is,
Nöt rauschen wirst hern.
* plaudert
Zwoa schneeweißö Täuberl
Fliegn trinka zan See,
Ma Lieb dö geht ünta
Und nimmar in d' Heh.
Für Olls war zan helfa,
Ollö Kronken wurn g'sund,
Wonn mar' s recht Kräutl kennat,
Und wonn mar's a fund.
Und i kennats und wissats
Und findats a glei,
Und konn ma dennert nöt helfa:
Mit mir is's vabei!
Leipzig: Brockhaus, 1875. - XVI, 358 S.
Zitierlink: http://data.onb.ac.at/rep/1057D98E
Comments